Фудбалерите на ,,Академија Пандев,, ја изненадија најдобрата бугарска младинска екипа откако денеска пријателски одиграа 2:2 среде Софија. Во рамките на контролките пред заминувањето на интернационалниот турнир Виареџо Италија, младите ,,пандевци,, ремизираа со ДИТ – Софија која е најдобрата екипа во младинска конкуренција во бугарскиот шампионат.Струмичките млади надежи со головите на Петков и Мишов имаа предност и водство од 2:0 но во финишот од средбата дозволија домакините да дојдат до израмнување. Според информациите ,,Виареџо екипата,, на Академија Пандев одиграле одлично и борбено во текот на целиот натпревар додека младите бугари се изнамачиле да дојдат до мрежата на струмичани кои во петок заминуваат за Италија.