По барање на жителите на Сушево, ова населено место доби уредено катче во центарот на населеното место.
Центарот на Сушево доби нови содржини: поплочување на центарот со бекатон плочки и бетонски ивичњаци, поставување на урбана опрема, ново осветлување, клупи и корпи за отпадоци, поставување на фонтана, хортикултурно уредување со високо и ниско зеленило како и со сезонско цвеќе.
„Запуштениот и руиниран центар во Сушево стана минато, а граѓаните на Сушево добија соодветен простор за одмор и дружење“, истакна градоначалникот на Општина Василево, Славе Андонов.
