„Ветивме и ќе го реализираме патот од Добрашинци до Нова Маала Работите на терен се при крај и во наредниот период ќе следува асфалтирање на овој патен правец. Општина Василево продолжува да се развива. Реализирање на ветените проекти како Градоначалник се и остануваат мој приоритет. Капитален проект од големо значење за овој дел од општина Василево. Општината мора да се стабилизира финансиски од наследените долгови, но во ниту еден момент проектите нема да престанат. Вложувањата во патната инфраструктура се на агендата на општина Василево. Продолжуваме уште повеќе и уште подобро за модерна општина Василево“, напиша на својот ФБ профил, https://www.facebook.com/vasilevo24, градоначалникот на општина Василево Славе Андонов, по извршениот увид во тековните активности на локалниот пат Добрашинци – Нова Маала.
Деновиве во завршна фаза се земјените работи, по што согласно предвидената динамика локалниот пат од центарот на с. Добрашинци до центарот на с. Нова Маала ќе биде асфалтиран.
Активностите на терен ги изведува компанијата Бони Интерградба, со која по спроведената јавна набавка, општина Василево има склучено Договор за изведување на градаежните работи.
Должината на локалниот пат што ќе се асфалтира е 1016 метри а ширината околу 5 метри.
Вкупниот Буџет, согласно Договорот, изнесува 1 0 732 328 денари, средства кои општина Василево ги обезбеди од Министерството за локална самоуправа на РСМакедонија.