Производителите на зелка со предупредувачки протест ги алармираа надлежните и побараа заедничка средба со цел да се најде решение за излезе од катастрофалниот старт со откупот. Го повикаа министерот за земјоделство да се појави во Струмица и да понуди мерки со цел производството со зелка да не скапува по нивите.
Откупната цена на зелката падна на 8 до 10 денари. Земјоделците тврдат дека некој не води грижа за нив околу пласманот.
Трговците тврдат дека интересот од странските пазари за струмичката зелка е многу мал. Тешко се продира во источно европските земји кои зелка увезуваат од Иран.