Од денес се воведува зонско паркирање во Дојран.Општинските власти сметаат дека ќе се создаде ред во пракирањето на целата територија на Стар Дојран

За да им се овозможи на граѓаните на Дојран, како и на посетителите да се справат со растечката потреба од паркинг , Општина Дојран се потруди брзо и економски прифатливо за сите, да го реши проблемот, а истовремено и желба на сите граѓани, лесно да стигнат до слободно паркинг место.Почнувајќи од 28 април, пред претстојните првомајски и велигденски празници, почнува со работа системот за зонско паркирање во Стар Дојран, со кој ќе управува ЈПКД „Комуналец – Полин” и ќе биде поделен во две зони.
Целта е да се излезе во пресрет на потребите на граѓаните и ефективно и ефикасно да се реши проблемот во делот на паркирањето на територија на Стар Дојран. Делувајќи на тој начин, истовремено се води грижа за животната средина и за добрата состојба на паркиралиштата со кои ќе стопанисува јавното претпријатие. Желбата е да се достигнат високи стандарди и регулирање на паркирањето како важна гранка за развој на туризмот во Дојран, како и натамошно проширување на паркинг просторите и подобрување на квалитетот на тие паркинзи
Паркингот во ЗОНА 1, (DA1) – односно централното градско подрачје, почнувајќи од вилата на Влада на Р. Македонија до новата автобуска станица ќе се наплаќа по 30 денари од час и дополнителни 15 денари за секој нареден изминат час.Паркингот во ЗОНА 2, (DB1) – односно паркинг просторот на влезот во Стар Дојран, по 10 денари од час и дополнителни 10 денари за секој нареден изминат час. Наплаќањето ќе се врши по пат на СМС порака на бројот 144144 од 7 до 21 часот. Преостанатото време паркинзите може да се користат без надоместок.