Досегашната пратеничка од НСДП, Соња Мираковска и лидерот на СДСМ, Зоран Заев ќе бидат носечкиот пар во четвртата изборна единица. Ова е одлучено на вечерашниот конгрес на СДСМ, на кој се објавија кандидатските листи за пратеници . Покрај нив, во четвртата изборна единица на листата се најде и досегашниот пратеник од Струмица, Костадин Костадинов, кој ќе биде на седмата позиција.
Во првата изборна единица носители се министерот за надворешни работи, Никола Димитров и вицепремиерката Мила Царовска.
Во втората изборна единица се техничкиот премиер Оливер Спасовски и директорката на УЈП, Сања Лукаревска.
Третата изборна единица ја предводат Љупчо Николовски и Јагода Шахпаска, во петата е министерката за одбрана, РАдмила Шеќеринска со Јован Митревски а во шестата ќе биде носител од коалиционите партнери заедно со Фаница Николовска.
Изборите треба да се одржат на 12 април.