Огранокот на партијата левица во Струмица, по повод денот на пролетта и екологијата, упати апел до надлежните институции од локалната и централната власт да ги стават здравјето и интересите на граѓаните пред бизнисот.
Во нивното соопштение се апелира за:
- Да се престане со уништувањето на зелените површини во градот за изградба на станбени згради. Финансискиот интерес на мала група, да не се става над јавниот интерес.
- Да се престане со уништувањето на шумите над градот, шумите се белите дробови на градот.
- Да се престане со изградбата на индустиски објекти на плодно земјиште. Индустриските објекти еден ден може да престанат да работат, а плодното земјиште ќе остане трајно уништено.
- Да се стави во функција велосипедската патека во градот, за која покрај мапирање и обележување потребно е и создавање услови за нејзино користење.
- Да се испита добро влијанието на рудникот Иловица врз животната средина, за да не дојде до трајно уништување на плодното земјиште и животната средина, заради рудник со 20 години век на екслоатација.