Затворени граничните премини со Грција

Затворени граничните премини со Грција. Од синоќа во 21 часот почна 24 часовен штрајк на грчките цариници на граничниот премин Дојрани – Дојран, а од полноќ им се придружија и нивните колеги од преминот Евзони-Богородица. На преминот кај Стар Дојран се пропуштаат едиствено пешаци, додека македонските погранични служби на преминот Богородица издејствувале да има проток и на патнички возила по петнаесет минути на секои еден или два часа, во зависност од сообраќајот. Товарните возила нема да се пропуштаат. Од преминот Богородица информираат дека нема колони и подолго чекање бидејќи грчките медиуми навреме информирале за штрајкот на тамошните цариници.