Europe House Струмица и Библиотека Благој Јанков Мучето Струмица започнаа „Караван на читањето“ со деца од основните училишта од Струмица и регионот.
Оваа недела карванот започна со посета на децата од ООУ Борис Трајковски, ООУ „Маршал Тито“ Струмица и ООУ „Мануш Турновски“. Со читање и обработка на книгите за деца „Трите мали волчиња“ од Евгениос Тривизас и сказната „Трите прасиња“ учениците се запознаа и дискутираа за овие прекрасни дела.
Целта на оваа програма е да се поттикнат најмладите да развијат вештини за критичко размислување, а во исто време и да читаат и да го негуваат македонскиот јазик.
Следната недела карванот продолжува во ООУ „Гоце Делчев“ – Василево и ООУ,,Гоце Делчев” – Босилово.
