Делата од јубилејната 60. Меѓународна струмичка ликовна колонија, која заврши деновиве, ќе бидат изложени на 11 септември, кога се одбележува Денот на ослободувањето на Струмица.
Колонијата траеше десет дена, а учествуваа дваесетина уметници од Романија, Турција, Грција, Србија и Македонија. Создадени се нови 40-ина дела во различни ликовни дисциплини.
Во склоп на колонијата се одржа и 30. школа за современ мозаик.
Организатор на колонијата е Секторот за ликовно-галериска дејност при Центарот за култура „Антон Панов“.