Градоначалникот Костадинов, премиерот Димитар Ковачевски и министри од Владата, денеска од новата градинка „Виножито“ пуштија силна порака за важноста на соработката помеѓу локалната и централната власт. Токму оваа градинка е плод на таквата соработка, поддржана од Светска банка.
Како Општина на која децата и се приоритет, а во соработка со ресорните министерства, постојано се инвестира во подобрувањето на капацитетите на градинките и училиштата.
Во инфраструктурното уредување околу новата градинка досега е инвестирано 20 милиони денари, тоа е улицата „Атанас Јанев“ со тротоарското уредување, улицата број 1 е веќе пробиена со општински средства од 9 милиони денари, а што претставува ново грло во населбата Касарна.
Градоначалникот Костадинов најави дека продолжуваат понатаму уште посилно, а особено во населените места. Целта е да се мотивираат што повеќе граѓани да останат да живеат таму, а обврска е да се инвестираме во подобрувањето на условите за живот и да се спречи миграцијата село – град.
