Во рамки на кампањата „Ние сме Европа“, организирана од Секретаријатот за европски прашања, денеска во Струмица, во 18 часот во Амфитеатарот во градскиот парк ќе се одржи отворена трибина „Македонски труд – Европска социјална политика”.
На оваа трибина градоначалникот Костадин Костадинов ќе ги презентира струмичките успеси и факти од соработката со европските фондови и општинските социјални услуги.
Настанот е дел од информативниот караван организиран од СЕП, под мотото „Саем на европски вредности“, а во рамки на караванот ќе се презентираат можностите и придобивките од преговорите што ги нуди членството во ЕУ.