Косовската полиција соопшти дека ги затворила граничните премини Брњак и Јариње.
„Косовската полиција ја затвори границата за патнички сообраќај и за возила на граничните премини Брњак и Јариње, поради блокирање на патиштата во правец на овие гранични премини“, се вели во соопштението, пренесе „Б92“.
Србите на северот на Косово со барикади и камиони го блокираа северниот дел на земјата.
Блокадите на ковските магистрални патишта се случуваат еден ден пред стапувањето на сила на двете одлуки на Владата на Косово за пререгистрација на српските регистарски таблички и лични документи.
Косовската влада најави дека од 1 август ќе започне со издавање таканаречени документи за влез-излез за сите граѓани на Србија кои влегуваат во Косово.
извор: макфакс