Денеска ќе имаме свежо утро, а преку денот ќе биде сончево и малку потопло со слаб претежно северен ветер, информира УХМР. Минималната температура ќе биде во интервал од -3 до 4, а максималната ќе достигне од 17 до 23 степени.
Во Скопје, времето ќе биде сончево и малку потопло со слаб северен ветер.
Минималната температура ќе се спушти до 2, а максималната ќе достигне 22 степени.
До петок ќе преовладува претежно сончево време и наутро постудено, а преку денот со се повисоки температури. В сабота облачноста ќе се зголеми и ќе има услови за слаб локален дожд. Врнежите ќе бидат пообилни в недела и в понеделник кога ќе дува засилен северен ветер и ќе има позначително спуштање на температурите.