Обилни врнежи од снег и температури до -15 степени. Од Управата за хидрометеролошки работи велат дека денес, преку ноќта и во текот на утрешниот ден ќе биде облачно со врнежи од снег, пообилни во југозападните делови. Насекаде ќе се формира снежна покривка, а на планините таа ќе се зголеми.
Во југозападните делови снежната покривка во пониските места понекаде ќе надмине и 20 сантиметри снег. Ќе има и појава на голомразица. Утринските температурите ќе ќе бидат особено ниски од почетокот на наредната седмица и понекаде ќе се спуштаат и под -15 степени. Дневните температури само понекаде ќе се искачуваат до некој степен над нулата.
Времето утре ќе биде облачно и студено со врнежи од снег, пообилни претпладне во југозападните делови. Ќе дува умерен до засилен ветер од северен правец. Обилни врнежи од снег и температури до -15 степени ќе има во целиот регион.
Во текот на следната седмица ќе се задржи сончево и студено време со мала до умерена облачност. Ќе дува умерен до засилен ветер од северен правец.
Струмичани се израдуваа на првиот снег оваа зима на крајот од месец јануари годинава.