Следната година Струмичкиот карневал ќе биде во месец февруари. Одреден е датумот кога Струмица под маска ќе ја слави долгата традиција. Февруарскиот карневал значи дека карневалџиите каде и да е ќе мора да почнат со подготовките на своите креации. Осмислување, барање материјали, кроење, шиење, везење и лепење. Долг е процесот од првичната идеја до готовиот костим што ги плени гледачите кои секоја година со нетрпение очекуваат да се појават во дефилето на струмичките улици.
Последните години карневалскиот одбор се труди да ги мотивира училиштата во регионот да учествуваат со свои креации со цел ширење на традицијата кај младите и раснење на децата со карневалскиот дух.