Граѓаните ќе можат да пријавуваат загадување и онлајн
Државниот инспекторат за животна средина ја презентираше новата онлајн платформа „Пријави загадување во два чекора“, со која ќе се овозможи пријавите кои ќе пристигнуваат од граѓаните по различни електронски канали (Фејсбук, е-адреси, веб страници) да стигнуваат на едно место, да бидат поефикасно распределени до надлежните инспектори, полесно да се следат случаите на загадување и подобро да се координираат инспекторите при извршување на задачите, како и да им одговорат на граѓаните кои поднеле пријава дали и како постапиле по пријавите.