Графит „Засекогаш деца“ го краси ѕидот на зградата до близина на споменикот „Струмичанка под маска“. Станува збор за креација Иван Христов –Киндер и Драги Кискин во рамки на Стрит фестивалот организиран од Општина Струмица под мотото #ГрадНаКултурата.
Двајцата уметници се дел од струмичката рап група Дивизија, а името на графитот потекнува од нивната истоимена песна „Засекогаш деца“ од нивниот албум: „Втора шанса“ издаден во 2014 година.
Дивизија е најстариот бенд во Струмица кој датира од 2000та година ,а е активен до денес има издадено 5 албума. Бендот го сочинуваат Киндер, Кискин, Хроник, Бандит, Фарс, Дукс, и Dj Popeye.
