По неколку обиди дел успешни, дел неуспешни конечно од компанијата се одлучија за добротворна платформа наречена Fundraisers.
Како што објаснуваат од Facebook, корисниците можат многу брзо и едноставно да покренат некоја акција за собирање добротворни прилози. Потенцијалните донатори можат со само неколку чекрои да дознаат се за личноста која ја почнала акцијата и за личноста која ќе ги прими парите, како и кој се има донирано.
За да се стартува акција треба само да се избере хиперлинк, да се избере за кого се собираат парите, да се осмисли наслов за акцијата и да се напише позадинска приказна за акцијата.
Добротворни акции може да се почнат во повеќе области како: образование, здравје, домашни миленици, кризни ситуации, смрт, спортски активности, општествени активности итн.
Facebook ќе ја прегледа секоја акција и ќе ја одобри во рок од 24 часа.
