И Франција ќе произведува вакцини. Во Франција еден производител ќе започне со производство на вакцина против Ковид-19 од американската лабораторија на „Модерна“ во март. Додека друг производител ќе започне со производство на вакцината на „Фајзер-Бионтек“ во април. Ова го изјави француската министерка за индустрија Ањес Пание-Ринахер.
„Првата фабрика што ќе започне со производство ќе биде во средината на март со вакцината на ’Модерна’“, изјави министерката за радиото РТЛ.
Таа рече дека потоа, во текот на април, производството ќе започне на друга локација за вакцината на „Фајзер-Бионтек“. А, производството на вакцината на „Кјурвак“ треба да започне во мај, за што сè уште се чека одобрување.
Францускиот претседател Емануел Макрон, се сретна со големите француски и европски лаборатории. Подоцна објави дека производството на вакцини против коронавирус во Франција ќе започне кон крајот на февруари или почетокот на март.
Макрон рече дека Франција ќе произведува вакцини во четири производствени погони. Ќе произведуваат вакцини развиени од други лаборатории. Од кои три се француски подизведувачи.
Минатата година, францускиот подизведувач Делфарм објави дека ќе ја произведе вакцината Фајзер/БиоНТек во својата фабрика во северозападна Франција во Сен Реми-сур Авр. А, француската компанија Фарева најави вакцина Цуревац во своите две фабрики во Пoу. Тие се на југозапад и Вал де Руј на север за полнење и пакување.
Францускиот министер рече дека француската лабораторија Санофи, која го одложи објавувањето на својата вакцина за втората половина на 2021 година, ќе произведува и вакцини од други лаборатории.