Зимска ноќ во Струмица, фотографирана од перспектива. Вакава фотографија објавија Георги Кончалиев и Кире Пиличев синоќа, откако со часови го чекале совршениот кадар на минусни темеператури. За „мразниот“ подвиг се качиле на Цареви кули и оттаму набљудувале како ноќта се гнезди над градот.
Ги прашавме кој беше мотивот една толку студена јануарска ноќ да се помине во висините на Струмица. Велат, желбата да се долови најубавиот кадар. Во меѓувреме, се топлеле на логорски оган, колку да ги опуштат прстите и да го чкрапнат апаратот.
