Најубаво уредените дворови на колективните згради во Струмица добија ваучери. Градоначалникот Костадинов попладнево ги додели наградите на трите најубави дворски решенија и порача дека дворовите се украс на градот.
„Дворовите се украс на станбените единици, било да се индивидуални или колективни. Ја разубавуваат средината и ја зголемуваат еколошката свест.
Со цел да го стимулираме уредувањето и одржувањето на дворните места пред колективните станбени објекти, од буџетот издвоивме 350 илјади денари и објавивме Јавен повик кој траеше од 21 февруари до 31 мај годинава.
Пристигнаа 2 апликации, но догодина очекуваме повеќе. По увидот што го изврши Комисијата, првата награда ја доби дворот на улицата „Максим Горки“ бр.49, а втората, дворот на улицата „Крсто Узунов“ бр.3-22.
Вечерва ги посетив станарите, им честитав за наградите им ги врачив ваучерите од 200.000 и 100.000 денари“, напиша Костадинов на својот фејсбук профил.
