Стручниот тим при ОО Црвен крст Струмица врши увид на услугата Лична асистенција на лица со попреченост.
Целта на посетите е подигање на квалитетот на испорачаната услуга во општините Струмица, Ново Село, Босилово и Василево преку отворени разговори околу стандардите за услугата, давајќи посебен осврт кон принципите кои произлегуваат од Конвенцијата на ООН за правата на лицата со попреченост:
• Почит кон вроденото достоинство, индивидуалната автономност и независност на лицата со попреченост,
• Право на слобода на избор и одлучување во текот на остварувањето на правото на персонална асистенција
• Почит кон разликите и прифаќање на лицата со попреченост како дел од човековата различност и од човештвото, изразено преку индивидуален пристап во планирање и спроведување на услугата и
• Поттикнување на учеството и активно вклучување на лицата со попреченост во општеството.
