Во Русија е регистриран рекорден број новозаболени од коронавирус, но и најголем број починати лица за еден ден во последните 24 часа.
Коронавирусот е евидентиран кај уште 6.411 лица, така што вкупниот број на заболени е 93.558. Починаа 72 лица за еден ден, а вкупниот број на жртви во Русија е 867, објави ТАСС, пренесе Макфакс.
Во понеделникот Русија по бројот на заразени лица ја надмина Кина, каде што вирусот првпат се појави во декември минатата година и стана деветта земја што е најпогодена од пандемијата.