Посеви кои во текот на една сезона поминуваа и по неколку култури, сега лежат празни, непосеани и обраснати со трева.
Експертите предупредуваат дека државата мора сериозно да се посвети на поголема искористеност на земјоделските потенцијали – додека секоја година се исплаќаат и милиони во форма на субвенции производството стагнира. Истовремено се одлеваат милиони на увоз на храна.
Сега несигурниот пласман и откупните цени кои се с`е по неизвесни ќе создадат уште поголема запустеност на земјоделското обработливо земјиште во струмичката котлина.
Речиси половина Македонија е под земјоделско земјиште – ниви, лозја и пасишта, а половина од ова останува непосеано и необработено. Од вкупната површина на државата, 25.713 квадратни километри, 12.670 км2 или 1.267.000 хектари се земјоделска.