Ново детско катче никна во центарот на населеното место Негорци. Набавени се нови реквизити за деца, како и урбана опрема за одмор и рекреација на возрасните. Детското игралиште ги исполнува сите стандарди за безбедноста на децата, за што е поставена мека подлога, покрај безбедните клацкалки, лулашки, куќа-лизгалки и клацкалки во форма на коњче.
Според градоначалникот на општина Гевгелија, Андон Сарамандов, најмалите жители на населеното место Негорци, ќе имаат можност квалитетно да го поминуваат слободното време со нови содржини. Затоа што обврска е на Општина Гевгелија да им овозможи на најмалите во сите населени места уреден простор каде ќе го поминуваат нивното слободно време во игра. Со тоа, се исполнува ветеното и заложбата- сите граѓани од општина Гевгелија да добијат квалитетни услови за живот.
