Над 500 илјади вакцини ќе пристигнат месецов
Бројот на вакцинирани расте велат од министерството за здравство.
„Сите кои се пријавиле без разлика на возраста ќе бидат повикани преку мејл или СМС порака. Сега, со пристигнувањето на оваа значајно голема количина вакцини, а очекуваме уште стотина илјади на 15 мај, повторно од производителот „Синофарм“ и количината од 500 илјади вакцини од производителот „Синовак“ до крајот на мај, значи една значајно голема количина, која ќе се дистрибуира по овие два канала што ги спомнав, решивме да се стави приоритет на тие што се пријавиле и затоа се направи пресек на 30 април“, изјава Венко Филипче министерот за здравство за Радио Слободна Европа.
Посочи дека се става приоритет на тие кои покажале интерес за вакцинација и затоа апелира граѓаните да се пријават на сајтот и да ги има во системот „Мој термин“ за да може понатаму да се креираат тие приоритети.
Министерството за здравство информира дека заклучно со завчера вакцинирани биле вкупно 107.978 граѓани, а на веб-платформата „vakcinacija.mk“ се пријавиле 279.909 лица.
Нагласуваат дека интересот за вакцинација секојдневно се зголемува.