Според последните информации што ги издаде Државниот завод за статистика, 12,55 отсто ќе биде зголемувањето на минималната плата и таа ќе биде 20 175 денари нето минимална плата, вели вицепремиерот за економски прашања
Минималната плата од идниот месец ќе биде 20 175 денари, најави вицепремирот за економски прашања Фатмир Битиќи.
„Се прават последните пресметки и мислам дека Сојузот на синдикати, но и Министерството за труд и социјална политика се пред крај со пресметките. Според законот секоја година во март има ново усогласување со двата критериуми. Оваа година мислам дека според последните информации што ги издаде Државниот завод за статистика, 12,55 отсто ќе биде зголемувањето на минималната плата и таа ќе биде 20 175 денари нето минимална плата. Соодветно и бруто минималната плата ќе биде зголемена. Со тоа ќе продолжи тенденцијата на линеарно зголемување на сите други плати во сите сектори“,рече денеска Битиќи.