Карневалисти од ООУ „Видое Подгорец“ и СОУ „Јане Сандански“ викендов учествуваа на Меѓународниот карневал во Врњачка Бања, Србија.
Тие се претставија со маските „Струмичка корида“ и „Тик-Ток“, а на карневалот учествувале и 30 други странски и домашни групи.
- Нашиот настап пред многубројната публика беше еден од позабележителните, а квалитетното ниво на креативни маски, по кое карневалските групи од Струмичкиот карневал се надалеку познати беше уште еднаш потврдено, беше уште еднаш потврдено, информираа од Организациониот одбор на Струмичкиот карневал.
Тие информираа и дека биле остварени повеќе контакти и добиле покани за продолжување и продлабочување на соработката со повеќе карневали од регионот, вклучително и со Карневалот во Врњачка Бања, во чии успешни изданија и етаблирање во семејството на европски карневалски градови (FEEC) своја улога има и Струмичкиот карневал.