„Гевгелиско културно лето“ ќе биде невообичаено ако на гевгеличани не им се пружи шанса да го проследат завршниот Концерт на учениците, членови во Школата за гитара при ЈОУ Дом на култура „Македонија“ – Гевгелија, под менторство на Костадин Динев. Затоа е опфатен и во летната културно-уметничка програма, а ќе се одржи на 26 јули 2023 година, на платото пред Народниот театар- Гевгелија со почеток во 21 часот.
Концертот на младите гитаристи ќе биде збогатен и со настапот на Guitar school bend.
Имајќи го предвид минатогодишниот концерт, којшто беше повторно во рамки на „Гевгелиско културно лето“, овој настан ветува незаборавна вечер, полна со импресии од работата на Школата за гитара и неоспорниот талент на гевгелиските гитаристи.
