Непристојните услови кои ги имаа граѓаните од овој дел на Василево, се решени.
- „Посебно сум горд што успеавме да решиме долгогодишно барање, го асфалтираме влезот во Чанаклија, беше голема потреба, бидејќи постоеја огромни оштетувања, дупки и големи нерамнини што го отежнуваше сообраќајот“, истакна градоначалникот на општина Василево Славе Андонов.
Според него општина Василево и покрај тешката финансиска состојба во која се наоѓа, со домаќинско работење решава децениски проблеми на граѓаните. Тој вети и решавање на дециниските проблеми затоа што граѓаните заслужуваат подобра општина Василево.
Во наредниот период ќе се асфалтираат улици во следните населени места: Василево, Градошорци, Ангелци, Седларци, Дукатино, Сушево, Добрашинци, Нова Маала, Висока Маала и Пиперево.
