ЦУК (Центарот за управување со кризи) информираше дека пожарот западно од Богданци кај местото викано Брдаров камен во моментов е ставен под контрола.
Според информациите од терен во овој регион со пожар беше зафатена нискостеблеста шума, прнар и сува трева.
Сепак дел од пожарникарите остануваат будни и ја следат ситуацијата бидејќи на одредени места повторно се распламнува.
Од ЦУК информираат и дека во моментов во гасење на пожарот нема потреба од користење на воздухоплови.