Претседателот Стево Пендаровски, во рамки на учеството на Глобалниот безбедносен форум „ГЛОБСЕК 2020”, денеска во Братислава оствари средба со Мирослав Лајчак, специјален претставник на Европската Унија за дијалогот Белград – Приштина и други прашања за Западен Балкан.
Претседателот Пендаровски го информирал специјалниот претставник Лајчак дека Северна Македонија е подготвена да ги почне пристапните преговори со ЕУ за кои се очекува формален почеток за време на германското претседателство.
Лајчак ја посочил Северна Македонија како исклучително позитивен пример во регионот, истакнувајќи го многу значајниот напредок постигнат во изминатите години.
Претседателот Пендаровски го информирал високиот претставник и за актуелните состојби во земјава и изразил задоволство од нивната редовна комуникација.
извор: Макфакс