Леб за 29 денари купуваат струмичани уште пред одлуката на Владата за ограничување на максималната цена до 33 денари. Во сопствената пекара на ланец маркети во струмичко леб се доставува двапати дневно. Велат дека со субвенционуираната електрична енергија оваа цена била на граница на рентабилност.
Менаџерката на маркетите, Стојне Копачева, вели дека решиле да направат двонеделна акција за да им излезат во пресрет на граѓаните. Сепак, Копачева вели дека оваа цена доаѓа предвид само во услови на субвенционирана струја. По завшрувањето на субвенциите цената на лебот ќе бидат принудени да ја покачат.
Бел леб деновиве има и во другите помали маркети во струмичко кои се снабдуваат од семејните пекари во регионот.