Шефот на мисијата на РЕЦ во Македонија, г. Игор Славкоски и градоначалникот на Дојран, г. Анго Ангов потпишаа договор за воспоставување на стратешка соработка помеѓу РЕЦ и Општина Дојран во спроведување на веќе тековни, но и идни проекти за зачувување на природните вредности на Дојранското Езеро.
„Имајќи предвид дека Дојранско Езеро е прогласен за споменик на природата во 2011 година, самото тоа ни носи големи обврски и одговорности, кои што со потпишувањето на меморандумот ќе се придонесе за заштитување на еко- системот на Дојранското Езеро“- изјави градоначалникот на Општина Дојран, господинот Анго Ангов.
„Тоа значи дека заедно со Општина Дојран ќе пренесеме низа активности… за спроведување на проекти за заштита на животната средина“ – изјави Шефот на мисијата на РЕЦ во Македонија, г. Игор Славкоски