211 лица регистрирани во Струмица со грип.Епидемиолозите велат дека се очекува наредната недела бројот рапидно да расте.Здравствените амбулантите во Струмица се преполни со пациенти а матичните лекари реферират до Центарот за Јавно здравје со бројка секој вторник.Најпогодени и годинава се најмалите како и повозрасните лица.
Во однос на минатата сезона кога биле регистрирани 386 заболени, постои зголемување на бројот на заболени во 6-тата недела за 7,7 пати.На ниво на Македонија бројката на регистрирани пациенти со грип е речиси 3 илјади.
Најголем број заболени – 1.650 се пријавени во најголемата возрасна група од 15 до 64 години, а кај децата на возраст од 5 до 14 години има 327 случај на 100.000 жители.
Оваа недела најголем број заболени лица 326 се пријавени од подрачјето на Центарот за јавно здравје – Битола, а највисока инциденца 576,5 на 100.000 жители е регистрирана на подрачјето на Подрачната единица Дебар.
Досега во сезоната 2017/2018 вкупниот број на пријавени случаи со заболувања слични на грип изнесува 8.443. Регистрираниот број на случаи е за четири пати помал споредено со истиот период од минатата сезона кога имало 33.883 заболени.
