Во тек се завршните подготовки на струмичкиот карневал. Денеска состанок одржа организациониот одбор со претставниците на институциите кои ќе работат на спроведување на манифестацијата, противпожарната единица, полицијата, обезбедувањето, инспекциските служби. Состанок ќе имаа и со карневалските групи, вели Александар Цицимов од Организациониот одбор.
До крајот на неделава тече пријавувањето на домашните изведувачи. Во меѓувреме прецизиран е бројот на гости од странство, кои годинава ќе бројат 520 заедно со официјалните лица. Секако групата од Аруба и за групата од Германија ќе бидат вистински новитет и освежување на содржините.
Останатите гости од странство ќе пристигнат од Хрватска, Србија, Бугарија, Црна Гора, Албанија и Словенија.
