Агенцијата за аудио и аудиовизуелни медиумски услуги на РМ – АВМУ ги објави податоците за рејтингот на гледаноста на националните и регионалните телевизии и за последните три месеци од 2017 година односно четвртиот квартал од минатата година.
И во овој квартал, според АВМУ, ТРД Канал ВИС има највисоки проценти во просечниот неделен досег , уделот во гледаноста во Југоистокот како регион но и во вкупната гледаност на ниво на држава .
Споредувајки ги резултатите , Канал ВИС во овој период, има тројно поголема гледаност од останатите две регионални телевизии кои зрачат во југоистокот класифициран како регион Д4 Боскија.
Според АВМУ , Канал Вис во регионот Д4 каде спаѓаат општините од Југоистокот ( Конче, Радовиш, Василево, Струмица, Босилово, Ново село, Валандово, Богданци, Гевгелија и Дојран) има 3,07 процентни поени гледаност, што е речиси тројно повеќе од активната Кобра која има 1,07 проценти поени гледаност и во моментов неактивниот Телеканал А1 кој имал 1,23 проценти поени гледаност.
Според овие податоци но и претходните извештаи на АВМУ граѓаните од југоистокот во 2017 година најмногу ги гледаат програмските содржини што ги нуди Канал ВИС тргнувајки од информативните, забавно рекреативните и спортските содржини во одност на останатите телевизии.
Извештајот на АВМУ на следниов линк
http://avmu.mk/wp-content/uploads/2018/01/1AVMU-doseg-2017-Q4.pdf
