Струмичкиот карате клуб АБЦ одликуван со две признанија од Македонската традиционална карате федерација. На денешното прогласување на најдобритер каратисти за 2017 година во Скопје, тренерот на АБЦ, Ристо Обрадов е прогласен за најдобар тренер за 2017 година. Претседателот на клубот, Стојан Витанов, доби награда за посебен придонес и развој на каратето. Оваа награда ја добија и градоначалникот на Скопје, Петре Шилегов, и градоначалникот на Центар, Саша Богдановиќ, директорот на Агенцијата за млади и спорт, Дарко Каевски, и Аце Миленковски, ректор на Универзитетот за туризам и менаџмент од Скопје.
Во сениорска конкуренција награда добија Дејан Недев, Алоша Недев и Матеј Ангеловски кои на Светскиот шампион во ката тим го освоија првото место. Бојан Богдановиќ доби награда за освоено прво место на Балканскиот шампионат.
Најдобра сениорка е прогласена Јадранка Недева. Во младинската категорија наградени се: Огнен Тасев и Берта Милевска.
