Струмичани утре ќе имаат уникатна можност да уживаат во спектаклот што ќе им го приреди рускиот државен академски ансамбл „Митрофан Пјатницки“. Составот кој ја негува руската култура, традиција и фолклор е формиран пред повеќе од сто години и ги ангажира најдобрите музичари и солисти од Русија. На нивниот шаренолик репертоар се наоѓаат најпознатите и најубави руски народни песни и ора, а костимографијата и носиите се посебна убавина.

Државниот академски народен хор „Митрофан Пјатницки“ од Русија, ќе настапи во Струмица и Скопје, во рамки на Деновите на руската култура кои што од 18 до 28 октомври се одржуваат во Централна и Југоисточна Европа.

Ансамблот „Пјатницки“ постои од 1911 година. Името го добил по основачот, Митрофан Пјатницки.

Концертот ќе се одржи во Центарот за култура „Антон Панов“ во Струмица, од 19 часот.