Валандовчани денеска ја почнаа постапката за собирање на потребните потписи за распишување референдум против рудникот Казандол. Во наредните 30 дена иницијаторите и предлагачите за референдумско изјаснување,, Спас за Валандово,, треба да соберат околу 2000 потписи кои треба да се достават до Советот на општина Валандово кој треба да го утврди референдумското прашање и терминот на одржување на локалниот референдум.
Освен што ќе собираат потписи членовите на ,, Спас за Валандово,, со кампањата ,, Мрдни со прсти,, идната недела ќе организираат и фестивал на локална храна и локален развој со цел да се анимираат предностите на еколошкото чисто Валандово без тешка индустрија
На фестивалот што ќе биде во валандовкиот парк,, Пеонија,, ќе бидат изложени локални производи и преработи од калинка, јапонски јаболка, смокви кои се автентични на валандовскиот регион а паралелно ќе има и музички перформанси но и трибини на кои ќе учествуваат експерти од областа на животната средина, екологијата, економијата кои ќе зборуваат за недостатоците и предностите од евентуално фунцкионирање на рудниткот Казандол
