Младинците на ,,Макс Струмица,, забележаа победа против радовишани со гол во последните 4 секунди и тоа од центарот на теренот. Благој Терзиев беше стрелецот на победоносниот гол за огромно славје на струмичани кои ,,рисовски и лавовски,, се бореа во текот на целата средба каде радовишани постојано диктираа темпо и резултат, но избраниците на Иванче Ончев не се предаваа. Огромно славје на младите од Струмица кои пеаа и се радуваа во соблекувалната на спротската сала во Радовиш по победата од 36:35 и тоа четврта во младинското првенство на Македонија
Според информациите, младиот состав на Радовиш постојано имал водство а струмичани контуинирано успевале да израмнуваат. Драматични биле последните минути каде младинскиот состав на Радовиш прокоцкал дури три гола предност 35:32. Струмичани со пожртвувана игра успеале да израмнат а во последните секунди бил направен прекршок на центарот од теренот врз Теризев кој набрзина го извел ударот и успеал да го погоди небранетиот гол на радовишани
Во дуелот со Радовиш, во таборот на Макс Струмица најефикасен бил Игор Ѓоргиев со 10 гола а по ефикасноста се истакнаа и Антонио Тасев со 9, Васко Стојков со 8 гола додека Терзиев постигна 4 гола. Со ова тешка победа против Радовиш, Макс Струмица ги задржа шансите за плеј оф
