Граѓаните кои дома ќе колат свиња или теле без ветеринар, ризикуваат да платат казна од 300 до 600 евра.
Ако некој ве пријави за овој прекршок може да добиете казна од 300 евра, а за правно лице казната е 600 евра.
Во Агенцијата за храна велат дека согласно Законот за безбедностa на храната, колењето на животните надвор од кланица е дозволено само за домашна употреба, со претходно информирање на официјалниот ветеринар и со почитување на условите за благосостојба на животните. Задолжителен е преглед на месото по колењето од ветеринар.
Субвенции за свињи се даваат само ако свињата се заколе во кланица. Законот за безбедност на храна пропишува дека сите животни треба да се колат во кланица, а исклучок има само за месото за домашна употреба.
Надвор од кланиците секоја година се колат околу 5.000 говеда и 16.000 свињи, покажуваат статистиките.
