Македонија

Од денеска пролетна Европска недела на тестирање за ХИВ и СПИ

Под мотото „Тестирај. Лекувај. Превенирај“ од 17 до 24 мај се одржува пролетната Европска недела на тестирање.

„Од околу 400 лица со ХИВ, колку што се проценува дека денес живеат во нашата земја, речиси половината не го знаат својот ХИВ-позитивен статус. Mинатата година, пак, над половина од луѓето со ХИВ биле дијагностицирани доцна, со што се одложува навременото започнување со терапија за ХИВ. Со навременото тестирање и редовното земање на терапијата, луѓето со ХИВ не само што можат да живеат квалитетно и долго, туку и се спречува преносот на вирусот бидејќи неговото присуство во крвта толку многу се намалува што не може да се пренесе по сексуален пат дури и кога не се користи заштита т.е. кондом“, велат од ХЕРА, Асоцијација за здравствена едукација и истражување.

Граѓаните можат бесплатно и доверливо да се тестираат за ХИВ и за други сексуално преносливи инфекции во младинските центри „Сакам да знам“ на Водно и во Шуто Оризари. За подетални информации, можат да се јават на телефонските броеви 02/3176 950 и (02) 2651 955 соодветно.

Повеќе информации за ХИВ и за најблиските локации каде што може да се направи ХИВ-тест се достапни и преку мобилната андроид апликација Направи ХИВ тест, која може бесплатно да се преземе на Google Play.

Препорачуваме:

Бензините поевтинуваат за денар, дизелот за половина денар

Зголемено нивото на реките и езерата,во рамки на просекот за јуни

Ivana Vangelova

Софија: Приведено лице кое пишувало недолични коментари за автобуската несреќа