Тамара Тодевска со целиот свој тим отпатува во Тел Авив, каде веќе започнаа подготовките за нејзиниот евровизиски настап.
Денес, се одржа нејзината прва проба на евровизиската сцена. 33-годишната пејачка носеше смарагдно зелен фустан од дизајнерот Александар Ношпал додека ја изведуваше песната „Proud“.
Тамара како свои придружни вокали ги има Антониа Гиговска, Александра Јанева и Васил Гарванлиев. Тие ќе настапат на втората полуфинална вечер која е закажана за 16 мај.
