Фудбалерите од ,,Академија Пандев,, заминаа во Италија каде за првпат ќе учествуваат на реномираниот турнир ,,Виареџо,,. Тие во првата фаза ќе се сретнат со младинските состави на ,,Интер,, и ,,Специа,, од Италија и ,,Апи,,а од Австралија. Стратегот на младите,, пандевци,, Југослав Тренчовски очекува пласман во втората фаза што ке биде огромен успех за Академијата но и привлекување на вниманието на фудбалските менаџери за некои од играчите шти ги има.
,,Оптимист сум за пласман во втората фаза. Интер е фаворит но не значи дека предвреме ќе се откажеме. Кај играчите има желба за докажување и надмудрување со поранешниот тим на Горан а сега и на Јани Атанасов. Шансата за пласман вториот круг ќе ја барамесо австралискиот состав Апиа а секако и со Специа. Контролките што ги одигравме ни даваат надеж. Сето тоа треба сега само да го потврдиме. За нас најдобра сатисфакција ке биде, доколку после тој турнир одредени менаџери се јавата и прашат за 3-4 играчи на Академијата а такви деца имаме во тимот кои ќе блеснат во Виареџо,, истакна Тренчовски
Натпреварот со Интер се игра в понеделник во 15 часот и од истиот ќе биде емитуван директен Тв пренос на каналот RaiSport 2. „Академија Пандев“ на 16 март во 14,30 часот игра против тимот на ФК „Апиа“ од Австралија а на 19 март во 15 часот против тимот на ФК „Специа“ На предлог на градоначалникот Зоран Заев, општина Струмица обезбеди финансиска поддршка од 500. 000 денари за реализација на овој проект.
