Пред стартот на пролетниот дел од фудбалскиот шампионат на Македонија, струмичкиот прволгиаш Беласица и официјално ги промовираше петте засилувања. Станува збор за фудбалерите Душан Савиќ, Марио Маслаќ, Матеус Оливеира Да Силва, Мартин Мирчевски и Христијан Денковски со кои ФК Беласица се очекува да изненади во КУП натпреварувањето но и да го избегне дното од прволигашката табела . Паралелно во ФК Беласица е ангажиран и Ѓоко Хаџиевски. Тој ќе седи на клупата на струмичани како директор на клубот, а првиот тим ќе го води стратегот Раде Цицмиловиќ. Хаџиевски со своето искуство се очекува да помогне струмичките сино бели да не бидат последни на табелата и да ги вратат победите на стадионот Младост.
Еве кои се новите засилувања
- – Душан Савиќ поранешен македонски репрезентативец кој по 14 години, повторно се враќа во ФК Беласица. Офанзивец кој го носеше дресот и на прилепска Победа, ФК Вардар и ФК Работнички, a зад него има и богата интернационална кариера.
- – Mарио Маслаќ ќе биде огромно засилување на стоперската позиција за преостанатиот дел од оваа сезона, кој доаѓа од ФК Рига, Латвија.
- -21-годишниот Бразилец Матеус Оливеира Да Силва, ни доаѓа од ФК Гремио Новоризонтино од Бразил, и игра во шпицот.
- -Мартин Мирчевски го носеше дресот на Беласица минатата сезона .
- -Напаѓачот Христијан Денковски, пак, во Беласица доаѓа од индиски Гокулам инаку поранешен младински репрезентативец
